PAHAYAG NG LMK SA MAYO UNO

Reemar Alonsagay, kinatawan ng LMK-Ranao, nagbigay ng pahayag sa medya.

Sa kabila ng pahayag ng gobyerno na patuloy na lumalago ang ekonomiya ng bansa, malaking bahagi pa rin ng mamamayang Pilipino ang patuloy na dumadanas ng kahirapan, gutom, at kawalan ng trabaho. Bagkus, patuloy na tumataas ang presyo ng mga pangunahing bilihin sa merkado kaakibat ang dagdagd pasanin na 12% EVAT sa bawat produktong binibili na ng mga mamamayan.

Dagdag pa, ang ipinagmamalaki ng kasalukuyang administrasyon na paglago ng ekonomiya ay hindi ramdam ng mga uring manggawagawa. Sa katunayan, ayon sa datus ng Social Weather Station (SWS) na inilabas noong Enero 2014, base sa nakaraang taon (2013), ang antas ng kawalan ng trabaho ay tumaas ng anim na porsyento. Mula sa 21. 5 %  sa 3^rd quarter ng 2013, ito ay umakyat ng anim (6) na porsyento noong pinakhuling 3 buwan ng nasabing taon na umabot hanggang 27.5 porsyento o katumbas ng 12.1 milyong indibidwal na walang trabaho.

Ang mabilis na paglobo ng mamamayang walang trabaho ay nakaugat sa mga batas at sistemang dagdag pasakit sa mga manggagawa. Ilan dito ay ang sistemang kontraktwalisasyon at ang batas sa rasyunalisasyon ng sahod na mas nagpaigting sa hindi pagkakapantay-pantay ng sweldong tinatanggap sa pagitan ng mga manggagawa sa abante o maunlad at mahirap na rehiyon. Higit pa dito ay ang pagkaila ng gobyerno sa kahilingang dagdag na sahod.

Ang pag-unlad ng ekonomiya at paglobo ng kahirapan at kawalan ng trabaho ay isang malaking kontradiksyon sa ilalim ng kasalukuyang administrasyon. Kung kaya’t sa lahat ng ito, higit na naapektuhan ang mga libu-libong kabataang nagtatapos ng kolehiyo na humaharap sa walang katiyakang pangako ng ipinagmamalaking kaunlaran.

Sa paggunita ng Pandaigdigang Araw ng Paggawa, ang Liga ng Makabagong Kabataan(LMK) ay nakikiisa sa panawagang: IBASURA ANG SISTEMANG KONTRAKWALISASYON AT ANG SISTEMANG REGIONALIZATION! PATI ANG SISTEMANG PRIBITISASYON NG LAHAT NG PAPUBLIKONG SERBISYO! DAGDAGAN ANG SAHOD NG MANGAGAWA AT DAGDAGAN ANG TRABAHO SA PILIPINAS!

Bilang pakikiisa, ang LKM ay lalahok sa protesta at patuloy na isusulong ang mga adhikain at adbokasiya upang ipagtangol ang mga naapi, mga kabataan at uring manggagawa sa bansa at buong mundo.

KABATAAN! LUMABAN ! MANINDIGAN! KUMILOS!

Youth leads the climb to Mt. Agad-agad

With the effort of providing space for the youth to discuss and reflect on the current condition of the ecology and the crisis it is facing, on April 19 and 20, the Liga ng Makabagong Kabataan (LMK) organized a mountain climb in Mt. Agad-agad in Iligan City. The climb was called Panata sa Kalikasan 2014 and it was participated by 30 youth participants coming from LMK- MSU and Iligan Chapters, Lawig and Kilusang Kabataan (KK).

The Panata sa Kalikasan aimed to bring the youth closer to the nature thereby enhancing their appreciation of its importance to human life. The highlights of the climb were group discussion and team building activities such as games and music jam. The theme of which revolved around ecosystem.

During the reflection process, most of the participants have common observation on the current state of the ecology. Mostly observed that pollution is taking its toll; that natural calamities become frequent that bring unprecedented damages to life and property; that mining is the cause of forest and environmental denudation in many regions; that human insatiable greed for profit further the destruction of the last bastion of resources on earth; and that, privatization of common resources denies common people of livelihood and life.

As a new framework for economic and political discourse in managing resources and responding to the needs of human being without jeopardizing the ecology, eco-socialism was introduced. The framework puts emphasis on the reduction of carbon emission in the atmosphere, which is the main agent in global warming, through sustainable practices such as community-based management of resources and by dismantling corporate control over the natural resources.     

  

Liga ng Makabagong Kabataan (LMK) nag Protesta sa ARAW NG KALAYAAN!

Hunyo 12, 2013-Ginugunita ng bawat pilipino ang araw ng kalayaan matapos masakop ng mga dayuhang espansyo ang pilipinas. Ngayong taon Ika 115, simula noong hunyo 12 1898 matapos iniwagayway ni Emilio Aguinaldo ang watawat ng pilipinas sa Kawit Cavite.

Sa lungsod ng iligan embes paggunita ng kalayaan ang gagawin naging araw ito ng kilosan at protesta ng sektor sa kabataan na pinangunahan sa Liga ng Makabagong Kabataan- Ranao (LMK) at ang sektor sa kabus sa iligan ang Ranao Tri People Movement for Genuine Peace and Development (RTMGP)”dala dala ang mga isyung ginakaharap ng mga taga mindanao at kabataan, ang pribitisasyon ng mga papublikong serbisyo lalong lalo na sa isyung kuryente at edukasyon. 

Kaninang umaga oras alas otso,nagsimula ang protesta ng mga kabataan . Halos isang daang kabataan ang nag protesta at nagtipon tipon upang manawagan sa lokal at pamahalaan.Sinimulan ito sa martsa ng mga kabataan sa tapat ng MSU IIT papuntang Iligan light Power Inc. Halos isang oras ang paglalakad ng mga kabataan at dala dala ang mga pahayag at banderitas habang sinisigaw ang “preso sa kuryente! paubsan! paubsan!; EPIRA! IBASURA! at Kabataan ! lumaban ! maninidigan! Kumilos.

Pagkatapos ng martsa gumawa ng maikling programa ang grupo ng mga kabataan sa tapat ng Iligan light Power Inc. Pinagunahan ito sa pahayag ni Rodolfo Gonzales,chairperson ng RTMGPD habang sinisigaw ang hindi makatarungang pagtaas ng mga bilihin lalong lalo na ang nababadyang pagtaas ng singgil sa kuryente at kinukondena ang pag indorso ng gobyerno sa pribadong sektor upang bilhin ang mga pampublikong serbisyo. “Matapang nyang sinabi hindi sila titigil magproprotesta hanggat patuloy ang pagsasamanta at katiwalian ng mga namumuno. Sinundan ito sa pahayag ni Max Savandal para sa liga ng makabagong kabataan.sabi nya “ang isyung pagtaas ng babayarin ng kuryente ay hindi naiiba sa isyung edukasyon patuloy ang pag taas ng matrikula sa pampubliko at pribadong eskwelahan. patuloy ang Komersyalisasyon ng Edukasyon. ang lahat ng problema sa lipunan ay konektado kaya kaming kabataan lalaban, kikilos at manindigan sa mga karapatan”.

Ang nasabing programa ng kabataan ay protesta upang ibasura ng Elictric Power Indutrial Reform act o EPIRA. ["sabi ni max savandal ang batas na ito ay pinapayagan ang mga kapitaslistang nagmamay ari ng power producer na pataasan ang singil ng kuryente sa mga konsumer at pinapayagan din ang pribadong sektor bilhin ang mga pampublikong pinagkukunanan ng kuryente"] at protesta laban sa pagigipit ng gobyerno sa budget ng edukasyon.Nanawagan din ng mga kabataan sa mga namumuno ibasura ang mga batas at regulasyon na hindi naaangkop sa mga masa.

Ang nasabing sektor sa kabataan na pinapangunahan sa liga ng makabagong Kabataan (lmk) ay patuloy ang kolektibong aksyon sa pakikipag laban, patuloy maninindigan sa mga kapakanan at karapatan ng mga kabataan at patuloy na kikilos sa mga kabus at naapi sa pinunan. KABATAAN! LUMABAN ! MANINDIGAN! KUMILOS!###

Iboto si Trapo

Ako si Trapo Ko. Gwapito III.

Kumakanditado bilang gobernador ng Probinsya Gwapito del Sur, anak ng dating Congressman. Dating Mayor rin ng aming munisipyo, matapos mapalitan ng aking nakakatandang kapatid. Tumigil lang ako saglit sa politika dahil nagkastroke ako, pero sa awa ng Diyos pinagaling niya ako. Alam niyang kailangan ko pang maglingkod sa masa, at ngayon nagkalakas ng loob akong kumandidato dahil sa tiwala na binigay sa akin ng mga tao.

Noong nakaraang taon, nagpaparamdam na ako (wag kang maiingay ha?) sa gilid ng mga kalye. Naglalagay ng mga tarpaulin na bumabati ng “Happy Graduation” sa mga nagtatapos, “Maligayang Pasko” naman noong Disyembre. Katabi nga ng mga tarpaulin ko ang mukha din ng asawa ni Senador Villar. Napapakinggan din ako sa lahat ng estasyon ng radyo sa probinsya. Sabi nila premature campaign ang ginagawa ko pero wala namang masama sa bumabati at sa nagpaparamdam. Bakit, may nakakaalam ba? Wala naman akong nilalabag na batas ng COMELEC. Masaya na ako na kahit sa ganyang mga paraan lamang ay mapasaya ko ang mga tao sa pamamagitan ng pagbati sa kanila.

Noong isang buwan nag organisa ako ng libreng gamutan at tuli sa lahat. May kasali pang libreng dalawang kilong bigas at tatlong lata ng sardinas. Nag-abot rin ako ng tulong sa mga nasalanta ng bagyo. Pinangako ko sa kanila na kapag ako’y kakandidato at mananalo sa halalan, marami akong gagawing proyekto para sa mahihirap. Tutulungan ko silang maka-ahon sa kahirapan. Dadalhin ko sila sa tuwid na daan.. Matatapos na rin ang kalsada na proyekto ko upang makadaan na ng maayos at ligtas ang mga motorista. May pangalan ko pa nga sa gilid ng kalsada: DONATED BY: TRAPO GWAPITO III.

Noong kasagsagan ng pagpaparehistro para sa eleksyon, may inaabot akong pagkain sa mga taong pumipila sa COMELEC. Kawawa nama sila, mahaba ang pila. Mainit diba? Kaya ‘yun, nagbigay din ako ng envelop na may lamang papel. Pera yun. Ang pinakamaliit na naibigay ko ay 100php. Natuwa din ang mga kabataan sa ginawa ko dahil natutulungan daw sila. Kahit sa ganong paraan daw, may nakukuha sila nang walang hirap.

Sa makatuwid galing ako sa mayamang pamilya pero nangingibawbaw pa rin yung interes ko para sa tao. Isa kami sa pinakamalaking nagmamay-ari ng kalupaan sa Mindanao. “Landlord” ang tawag sa amin (hindi ko na sabihin kung ilang hektarya, baka mabuko pa ng DAR). Binili na ng lolo ko sa mga nitibo (IPs) ang lupa sa presyong sampung daang libo.

Nasa angkan at dugo na namin ang pamumulitiko. Dating Congressman ang Lolo ko. Tumigil na siya sa pulitika dahil sa edad. Pumalit sa kanya ang tito ko, at ngayon kakandidato siya muli bilang congressman. Vice-mayor din ang asawa ko at matatapos na din ang termino niya at papalit sa kanya ang kapatid kong si Epal Gwapito pagkaMayor. Kakandidato din na pagkakonsehal ang isang anak at ang tita ko. Barangay Chairman ang isang tito ko at nanalo ang anak niya bilang SK Chairman. Isang buong dynasty ang nagsisilbi sa bayan. Naging tradisyon na sa pamilya ang pagpasok sa politika. Kalabanin man ito ni Senador Mirriam Defensor-Santiago, nakasanayan na ito sa Pilipinas. Kahit nga ang mga Cojuangco-Aquino.

Nagakapag-aral ako sa mamahalin at magandang paaralan simula elementary hanggang kolehiyo. Subalit hindi ako nakatapos ng kolehiyo. Hindi naman ito balakid para paglingkuran ko ang mga tao. Ang mahalaga ay bang tunay na serbisyo na kinakailangan ng mga tao. Bukal sa loob kong huminto sa pag aaral dahil nararamdaman kong oras na para pumasok sa pulitika. Alam kong kailangan na ang isang katulad ko para maglingkod sa mga tao. Alam ko naman na dito rin ang landas ko sa pamumulitiko. Wala namang batas na nagbabawal sa pagtakbo ng mga hindi nakatapos. Kahit nga “no read, no write ka pa” pwedeng kang tumakbo bilang presidente. May iilan ngang senador na hindi marunong mag ingles at copy paste ang mga sinasabi sa kamara. Alam ko namang alam niyo kung sino ang tinutukoy ko. May iilan ding senador na katagal tagal na sa senado ay wala pang naisasabatas. Pero hindi yan ang pinupunto ko. Ang sa akin ang kapangyarihan at kaban ang mahalaga. Hindi na yan uso sa mga politiko, karamihan sa amin may mga personal na pakay. Nagpapabango lang ako sa publiko para botohin.

Kasagsagan na pala ng kampanya. Kumakalat na ang mga posters, flyers, tarpaulin, at iba pa. Nagsisimula na ding mangampanya ang mga tatakbo gamit ang iba’t ibang stratehiya ng mga politiko. May iilang politikong ginagamit ang media para sa pangangampanya. Nagsilabasan na ang mga proyekto, mga donasyon, at mga programa para kunin ang tiwala ng masa. Gaya ko, epektibo talaga ito.

At syempre, ang dating gawi. Mamimigay ako ng pera sa darating na eleksyon. Maghahakot ng mga taong galing sa ibang lugar para makaboto. At ang paborito kong buhayin ang mga patay para makaboto. Titiyakin kong ako ang mananalo.

Muli, Halalan2013 na ngayong Mayo 10. Botohin na ang mga karapat-dapat sa posisyon. Gamitin ang karapatang bomoto at makapili. At pinapangako ko ang kaginhawaan sa buhay at paglutas ng kahirapan sa ating probinsya.

Wag kaligtaang markahan ang bilog na hugis itlog ni Trapo Gwapito III. Para sa tunay at tuwid na serbisyo!

_____________________
Reemar B. Alonsagay 

Political Student Student 

Mindanao State University, Marawi City